նախընտրելի դարձնել
Թայվանը հրթիռներ է մշակում, որոնք կարող են գրոհել թշնամական ավիաբազաները եւ թեւավոր հրթիռներ խոցել, հայտնում է Reuters-ը։
Անցյալ տարի Թայվանը հաստատել էր 240 միլիարդ թայվանական դոլարի (8.20 միլիարդ դոլար) լրացուցիչ ռազմական ծախսերը հաջորդ հինգ տարվա ընթացքում:
Թայվանը նախատեսում է ավելի քան կրկնապատկել իր հրթիռների տարեկան արտադրությունը՝ այս տարի մոտենալով 500 միավորի, հայտնել է կղզու պաշտպանության նախարարությունը:
Խորհրդարանին ուղղված զեկույցում Չուն-Շանի Գիտության եւ տեխնոլոգիաների ազգային ինստիտուտն ավելի շատ մանրամասներ է ներկայացրել իր կողմից մշակվող հրթիռների եւ անօդաչու թռչող սարքերի հնարավորությունների մասին:
Hsiung Sheng ցամաքային հարձակման հրթիռը, որը, ըստ փորձագետների, կարող է մինչեւ 1000 կմ հեռահարություն ունենալ, ներկայացված է երկու տարբերակով. մեկը բեկորային մարտագլխիկով բունկերների եւ ամրացված հրամանատարական կենտրոնների խոցման համար, իսկ մյուսը՝ «ցրող» զինամթերքով օդանավակայանային օբյեկտներից խոցման համար:
Թայբեյի ազգային քաղաքականության հիմնադրամի հետազոտող Չիե Չունն ասել է, որ Hsiung Sheng-ը կարող է հասնել Չինաստանի Ժողովրդական ազատագրական բանակի Արեւելյան հատվածի բազաների մեծամասնությանը, այդ թվում՝ Շանհայի եւ Չժեցզյան նահանգի մերձակայքում գտնվող բազաներին:
Կատարելագործված Sky Bow III զենիթային հրթիռը նախատեսված է բալիստիկ եւ թեւավոր հրթիռների, ինչպես նաեւ կործանիչների ոչնչացման համար։
Մինչեւ 2025-ը նոր ԱԹՍ-ների համար չորս նոր օբյեկտ կկառուցվի, այդ թվում՝ բազաներ եւ վերանորոգման գործարաններ:
Տեղական արտադրության դրոնների մասին քիչ բան է հայտնի։ Ինչպես անցյալ ամիս հայտարարել էր պաշտպանության նախարարությունը, ամերիկյան MQ-9 Reaper ԱԹՍ-ների առաջին խմբաքանակը, որը կարող է զինված լինել հեռահար հրթիռներով եւ գործել մեծ հեռահարության վրա, Թայվանի ԶՈւ-ն կհամալրի մինչեւ 2025 թվականը:
