նախընտրելի դարձնելApple-ն ազդարարել է Apple Watch Ultra-ի՝ պրեմիում դասի ամուր խելացի ժամացույցի մասին, որն այժմ գլխավորում է Apple-ի խելացի ժամացույցների շարքը: Ժամացույցը ներկայացված է նոր դիզայնով՝ մեծ էկրանով։
Կողքից հայտնվել է նոր պաշտպանիչ կոճակ, 49 մմ տրամագծով տիտանե կորպուս, վերափոխված լարվող թվային գլխիկ եւ «Գործողություն» նոր կոճակ։
«Գործողություն» նարնջագույն կոճակով կարելի է կարգավորումներ անել տարբեր նպատակների համար, ներառյալ՝ մարզումները, կողմնացույցով անցնելու կետերը եւ վերադարձի նոր հնարավորությունը: Էկրանն ունի շափյուղյա ապակի եւ 2000 nits պայծառություն: Կոճակները եւ լարովի գլխիկները նախատեսված են նաեւ ձեռնոցներով աշխատելու համար: Կան երեք ներկառուցված խոսափողներ՝ ձայնի որակը բարելավելու, ինչպես նաեւ շրջակայքի, օրինակ՝ քամու աղմուկը նվազեցնելու համար, գրում է The Verge-ը։
Բոլոր Ultra ժամացույցները բջջային կապով են եւ առանց վերալիցքավորելու աշխատում են մինչեւ 36 ժամ: Նրանք նաեւ ունեն մարտկոցի ծառայության մինչեւ 60 ժամ երկարացված ժամանակ՝ էներգիայի քիչ օգտագործման նոր կարգավորումը օգտագործելու դեպքում:
Apple-ն ասում է, որ Ultra-ն ավտոնոմ աշխատանքի բավականաչափ ժամանակ ունի, որպեսզի օգտագործողները կարողանան ավարտել երկարատեւ եռամարտը, որը ներառում է 2,4 մղոն լող, 112 մղոն հեծանվավազք եւ 26,2 մղոն ամբողջական մարաթոն:
Ultra-ն ունի նաեւ բարելավված բազմամիջակայք GPS, որը ներառում է L5 նոր հաճախականություն:
WatchOS 9-ում հայտնվել է Compass նոր հավելվածը, որն ավելացնում է Compass-ի ճանապարհային կետերը, որպեսզի կարողանաք նշել ձեզ հետաքրքրող վայրերը քարտեզի վրա: Միեւնույն ժամանակ, եռամարտիկների համար «Գործողություն» կոճակը թույլ է տալիս նաեւ անցնել մրցավազքի մի փուլից մյուսը (օրինակ՝ լողից անցնել վազքի):
Ջրային սպորտաձեւերի համար ժամացույցը դիմանում է քայթբորդ վարելուն, իսկ ջրադիմացկունությունը WR 100 է: Այն ավտոմատ կերպով գործարկում է խորության նոր հավելվածը, երբ դուք գտնվում եք ջրի տակ, որպեսզի ցույց տա ժամանակը, խորությունը եւ ջերմաստիճանը: Այն նաեւ հավաստագրված է EN 13319 ստանդարտով՝ մինչեւ 40 մետր խորությամբ սուզվող ջրասուզակների համար: Ժամացույցն ունի նաեւ Oceanic Plus նոր հավելված՝ սիրող սուզորդների եւ ջրասուզակների համար:
Ժամացույցը թողարկվում է երեք նոր գոտիներով՝ Alpine, Trail եւ Ocean: Դրանք հարմար են տարբեր պայմանների համար եւ նախատեսված են «երկար վազքի, կտրուկ ընկնելու եւ ալիքային հոսանքների համար»: Trail գոտին նախատեսված է վազորդների համար եւ պատրաստված է թեթեւ տեքստիլից՝ լեզվակով, որը թույլ է տալիս հեշտ կարգավորել չափը: Alpine-ը կազմված է մեծ ամրության մանվածքների երկու շերտերից, որոնք ապահովում են կարգավորումները եւ անվտանգությունը՝ G-աձեւ փականով: Միեւնույն ժամանակ, Ocean գոտին նախատեսված է ջրային սպորտաձեւերի համար, քանի որ այն ձգվում է եւ օգտագործում է խողովակային երկրաչափությունը՝ ավելի լավ նստելու համար:
Ժամացույցի արժեքը սկսվում է 799 դոլարից, այն խանութներում կհայտնվի սեպտեմբերի 23-ից։
