նախընտրելի դարձնել
Նորին Մեծություն Թագուհու մահը մեծ ցնցում էր ազգի եւ աշխարհի համար: Այս մասին ժողովրդին ուղղված իր ուղերձում ասել է Մեծ Բրիտանիայի վարչապետ Լիզ Թրասը։
«Եղիսաբեթ II թագուհին այն ժայռն էր, որի վրա կառուցվել է ժամանակակից Բրիտանիան: Նրա իշխանության օրոք մեր երկիրը աճել եւ ծաղկել է: Մեծ Բրիտանիան այսօր հզոր երկիր է նրա շնորհիվ: Նա գահ է բարձրացել Երկրորդ համաշխարհային պատերազմից անմիջապես հետո։ Նա համագործակցության զարգացման կողմնակից էր, 56 ազգերից բաղկացած ընտանիք, որն ընդգրկում է աշխարհի բոլոր մայրցամաքները:
Ի հեճուկս ամեն ինչի՝ Եղիսաբեթ II թագուհին մեզ տվեց կայունություն եւ ուժ, որի կարիքը մենք ունեինք:
Նա Մեծ Բրիտանիայի իսկական ոգին էր, եւ այդ ոգին կպահպանվի։ Նա մեր ամենաերկար կառավարող միապետն էր: Այսպիսի արժանապատվությամբ եւ վայելչությամբ 70 տարի կառավարելը ակնառու ձեռքբերում է։
Նրան սիրում եւ նրանով հիանում էին Միացյալ Թագավորությունում եւ ամբողջ աշխարհում: Նա ոգեշնչման անձնական աղբյուր է եղել ինձ եւ շատ բրիտանացիների համար: Նրա նվիրվածությունը պարտականությանը օրինակ է բոլորիս համար»,- ասել է Թրասը:
«Եվ Եղիսաբեթ II-ի դարաշրջանի անցնելու հետ՝ մենք մեր մեծ երկրի հոյակապ պատմության նոր դարաշրջան ենք թեւակոխում, ինչպես ցանկանում էր Նորին Մեծությունը, ասելով. «Աստված, պահպանիր թագավորին»»,- հավելել է նա։
