նախընտրելի դարձնել
Այն պնդումը, թե Հայաստանի եւ Ադրբեջանի սահմանը հստակեցված չէ, ճիշտ չէ։ Այս մասին Ազգային ժողովի նիստում՝ պատասխանելով պատգամավորների հարցերին, ասաց ՀՀ վարչապետ Նիկոլ Փաշինյանը։
Քաղաքական քարտեզները, նրա խոսքով, պետք է իրավական հիմքեր ունենան, հակառակ դեպքում դա «քարտեզ չէ, այլ նկարչություն»։
«Հայկական եւ ադրբեջանական ԽՍՀ-ները բաժանող սահմանները ամրագրվել են ԱՊՀ նպատակների եւ սկզբունքների մասին Ալմաթիի հռչակագրի համաձայն, որը ստորագրվել է 1991 թվականին։ Ուստի սահման կա, եւ այն խախտվել է Ադրբեջանի կողմից երկու փուլով՝ 2021 թվականի մայիսին եւ հիմա։ Իսկ Հայաստանն իր ինքնիշխանությունը պաշտպանելու համար պետք է օգտագործի դիվանագիտական եւ ռազմաքաղաքական բոլոր մեթոդները»,-ասաց Փաշինյանը։
