նախընտրելի դարձնել
Տաջիկստանի եւ Ղրղըզստանի ազգային անվտանգության պետական կոմիտեի ղեկավարներ Սայմումին Յաթիմովը եւ Կամչիբեկ Տաշիեւը բանակցություններ են վարել, որոնց արդյունքում ստորագրել են արձանագրություն, որը նախատեսվում է զորքերը հետ քաշել սահմանային գծից։
Ինչպես հայտնում է «Sputnik-Տաջիկստանը»՝ հղում անելով Սուղդի շրջանի կառավարության մամուլի ծառայության ղեկավար Մուզաֆար Յունուսովին, հանդիպումը տեղի է ունեցել Գյուլիսթոնի սահմանային անցակետի տարածքում։ Կողմերը քննարկել են հանրապետությունների սահմանամերձ շրջաններում կայունության ապահովման, հրադադարի ռեժիմի պահպանման անհրաժեշտությունը։
Զրույցի արդյունքում ստեղծվել է խաղաղության արձանագրություն՝ բաղկացած երեք կետից.
- սահմանային գծից զորքերը հետ են քաշվում մշտական տեղակայման վայրեր,
2. երկու երկրների սահմանին մնում են միայն սահմանապահ ջոկատները,
3. շարունակվում է սահմանային խնդիրների լուծման գործընթացը, սահմանամերձ գոտում իրավիճակի կարգավորումը։
Հերթական սրումը Ղրղզստանի եւ Տաջիկստանի սահմանին տեղի է ունեցել սեպտեմբերի 16-ի առավոտյան։ Կողմերը միմյանց մեղադրել են գնդակոծության մեջ։ Սահմանի գրեթե ողջ երկայնքով ամբողջ օրը կատաղի մարտեր են մղվել, եւ միայն գիշերը ձեռք է բերվել հրադադար։ Սեպտեմբերի 17-ի առավոտյան պարբերական բախումները վերսկսվել են։
Ղրղըզական կողմի տվյալներով՝ մարտերի հետեւանքով զոհվել է երկրի 59 քաղաքացի, վիրավորվել՝ 163-ը։ Տաջիկստանը հայտնել է 41 զոհերի եւ մի քանի տասնյակ վիրավորների մասին:
