Ռուսաստանի Դաշնությունը համաձայնություն է տվել Լին Թրեյսիին Մոսկվայում ԱՄՆ դեսպան նշանակմանը։ Այս մասին հայտարարել է ՌԴ փոխարտգործնախարար Սերգեյ Ռյաբկովը։

«Համաձայնությունը մենք տվել ենք: Նրանք համաձայնություն էին խնդրել դրա համար արդեն որոշակի ժամանակ առաջ»,- ասել է Ռյաբկովը լրագրողներին։

2022-ի սեպտեմբերի 14-ին հայտնի դարձավ, որ Միացյալ Նահանգները Ռուսաստանին որպես Մոսկվայում դիվանագիտական ​​առաքելության նոր ղեկավար ներկայացրել է Լին Թրեյսիին։

Ավելի վաղ Թրեյսիի թեկնածությունն առաջադրել էր ԱՄՆ նախագահ Ջո Բայդենը։ Այժմ նա Հայաստանում ամերիկյան դիվանագիտական ​​ներկայացուցչության ղեկավարն է։