Իրկուտսկում ավազակները մեքենայի եւ փողի պատճառով կտրել են հայի ձեռքերն ու կրակել ոտքերին։ Այս մասին հայտնել է Ռուսաստանի Քննչական կոմիտեն։

Ըստ հետաքննության՝ սպանության կազմակերպիչը 35-ամյա Միրո Ուսուբովիչ Միրոյանն է, որն իր հանցակիցների հետ սեպտեմբերի 1-ին  դաժանորեն խոշտանգել է տղամարդուն։

Ապա մաչետայի օգնությամբ կտրել են նրա ձեռքերն ու կրակել ոտքերին, սակայն ի վերջո տուժողին հաջողվել է փախչել։  Lenta.ru-ի աղբյուրի փոխանցմամբ՝ բոլոր հարձակվողները նույնպես ազգությամբ հայեր են։ Կոնֆլիկտի պատճառ է դարձել 500 հազար ռուբլու եւ ավտոմեքենայի շուրջ վեճը։

Հանցագործները փորձել են փախչել, սակայն նրանցից երկուսին արագորեն բերման են ենթարկել ոստիկանությունը եւ ԱԴԾ մարզային վարչության աշխատակիցները։ Դատարանը ձերբակալել է երկու կասկածյալի, նրանք փնտրում են հանցագործության կազմակերպչին։ Տուժածը գտնվում է հիվանդանոցում։