Ռուսաստանի նախագահ Վլադիմիր Պուտինը ստորագրել  է օրենք՝ օտար բառերի օգտագործման անթույլատրելիությամբ, բացառությամբ այն բառերի, որոնք ռուսերենում ահամապատասխան անալոգներ չունեն։

Համապատասխան փաստաթուղթը հրապարակվել է իրավական տեղեկատվության պաշտոնական ինտերնետային պորտալում։

Օրենքը բարելավում է ռուսաց լեզվի` որպես պետական ​​լեզվի կարգավիճակի ապահովման մեխանիզմները ողջ երկրում եւ վերահսկում է մարմինների եւ կազմակերպությունների պաշտոնյաների, Ռուսաստանի քաղաքացիների կողմից ժամանակակից ռուսերեն գրական լեզվի նորմերի պահպանումը: Փաստաթղթում ներկայացվել են այնպիսի հասկացություններ, ինչպիսիք են նորմատիվ բառարանները, նորմատիվ քերականությունները եւ նորմատիվ տեղեկատուները, որոնք ամրագրում են ժամանակակից ռուսերեն գրական լեզվի նորմերը:

Փաստաթուղթը պարունակում է այն ոլորտների ցանկը, որտեղ ռուսերենը պետք է օգտագործվի որպես պետական ​​լեզու: Այն ներառում է տեղեկատվություն ապրանքների, աշխատանքների եւ ծառայությունների սպառողների, ինչպես նաեւ կրթության, պետական ​​եւ քաղաքային տեղեկատվական համակարգերի համար:

Այնպես որ, նշված բոլոր ոլորտներում, եթե կա օտարալեզու տեքստ, ապա ռուսերեն տեքստը տեղաբաշխման եւ տեխնիկական ձեւավորման առումով պետք է լինի համարժեք, այսինքն՝ ունենա նույն պարամետրերը՝ գույնը, տառատեսակը եւ չափը։

Նշվում է նաեւ, որ ռուսաց լեզուն որպես պետական ​​լեզու օգտագործելիս չի թույլատրվում օգտագործել ժամանակակից գրական նորմերին չհամապատասխանող բառեր եւ արտահայտություններ, այդ թվում՝ անպարկեշտ արտահայտություններ, բացառությամբ օտար բառերի, որոնք համապատասխան անալոգներ չունեն։