Իրանցի սահմանապահները երեքշաբթի օրը հայտարարել են Ռազավի Խորասան նահանգում՝ երկրի հյուսիս-արեւելքում՝ Աֆղանստանի հետ ընդհանուր սահմանին չորս թմրավաճառների ձերբակալման մասին, հայտնում է իրանական Mehr լրատվական գործակալությունը։

Խորասան Ռազավիի սահմանապահ զորքերի հրամանատար, բրիգադային գեներալ Մաջիդ Շոջան ասել է, որ Թայբադի շրջանային գունդը 13,7 կիլոգրամ ափիոն եւ մետամֆետամին է առգրավել թմրանյութերի առեւտրով զբաղվող չորս անձանցից, ովքեր Աֆղանստանի հետ ընդհանուր սահմանը ապօրինի հատելուց հետո ժամանել են նահանգի հյուսիս-արեւելքում գտնվող Թայբադ շրջան:

«Այդ մարդիկ, ովքեր հարեւան երկրի քաղաքացիներ են, մտադրվել են ապօրինի մուտք գործել երկիր», - ասել է հրամանատարը։

Թայբադը գտնվում է նահանգի մայրաքաղաք Մաշհադից 225 կիլոմետր հեռավորության վրա՝ Աֆղանստանի հետ ընդհանուր սահմանին։