նախընտրելի դարձնելԵթե Հայաստանն ու Ադրբեջանը ցանկանան, Իրանը պատրաստ է առաջարկել ղարաբաղյան վեճի լուծումը: Այս մասին հոկտեմբերի 13-ին Կազանում հայտարարել է Իրանի արտգործնախարարության ներկայացուցիչ Ռամին Մեհմանպարաստը, գրում է իրանական «Tehran Times»-ը:
Նա ասել է, որ «սահմանային վեճեր սովորաբար ծագում են հարեւան երկրների միջեւ»` միաժամանակ ավելացնելով, որ «տարածաշրջանից դուրս գտնվող երկրները ձգտում են վեճերն օգտագործել` տարածաշրջանային հարցերին միջամտելու համար»:
Նա նշել է, որ Իրանը հանդես է գալիս այդ հարցով բանակցությունների եւ խորհրդատվությունների շարունակման օգտին եւ պատրաստ է օգնել լուծել Երեւանի եւ Բաքվի միջեւ տարածքային վեճը:
Թաթարստանի պետական խորհրդի նախագահ Ֆարիդ Մուհամեդշինի հետ հանդիպմանը Մեհմենպարստն ընդգծել է, որ Իրանը եւ Ռուսաստանը կարող են էական դեր խաղալ տարածաշրջանում ուժերի հավասարակշռության պահպանման հարցում:
