նախընտրելի դարձնելԴատարանը հեռակա կարգով կալանք որոշում է կայացրել Ռուսաստանի պետդումայի պատգամավոր, խարդախության մեջ մեղադրվող Աշոտ Եղիազարյանի հանցակիցների նկատմամբ:
Ինչպես հաղորդում է «Եդինայա Ռոսիա» կուսակցության պաշտոնական կայքը, Մոսկվայի Բասմաննի դատարանը երկուշաբթի արտոնել է գործով երեք մեղադրյալների` «Եվրոպարկի» գլխավոր տնօրեն Մաքսիմ Կլոչինի, Արտյոմ Եղիազարյանի եւ պատգամավորի օգնական Վիտալի Գոգոխիայի կալանքը: Այդ մասին հայտնել է գործով տուժածների փաստաբան Ռուբեն Մարգարյանը:
Ինչպես ավելի վաղ հայտնել է NEWS.am-ը, քննության վարկածով Եղիազարյանը իր ընկեր Միխայիլ Անանեւից 18 միլիոն դոլար յուրացրել: Նա մի քանի այլ խարդախություններ էլ է կատարել եւ ընդհանուր հաշվով 1,5 մլրդ ռուբլի վերցրել տարբեր անձանցից:
Պատգամավորը ներկայումս գտնվում է ԱՄՆ-ում:
