ՆախընտրելիՑեցի նախնական տեսակները սովորել են «կերպարանափոխվել» գրեթե 50 մլն տարի առաջ: Ուսումնասիրողները նման եզրահանգումներ են արել հնագույն ցեցերի թեւերի մնացորդների հետազոտությունների արդյունքում:
Յելի համալսարանի գիտնականների խումբը Մարիա ՄքՆամարի գլխավորությամբ վերականգնել է հին միջատի տեսքը` ուսումնասիրելով նախապատմական շրջանի ցեցի ներքին կառուցվածքի չորացած մնացորդները, գրում է PLoS Biology հրատարակչությունը:
Գիտնականները 65 մլն տարի առաջ ապրած ցեցի մի քանի տեսակների մնացորդներ են ուսումնասիրել:
Հետազոտությունները ցույց են տվել, որ հին ցեցի տեսանելի գունածածկույթը տարբեր անկյուններից տարբեր երանգ է ունեցել: Դրա առջեւի թեւերի մեծ մասը ծածկված է եղել դեղնավուն խավով` վառ կապույտ եզրերով: Հետեւի թեւերը բեժագույն են եղել, իսկ մարմինը ծածկված է եղել դեղնականաչ եւ շագանակագույն խիտինով:
Նման գունավորումը բնորոշ է նաեւ մեր օրերի ցեցերին: Այն մեծապես օգնել է թիթեռներին անտառի տերեւների եւ ծաղիկների մեջ աննկատ մնալ:
