նախընտրելի դարձնելԼրացել է նոյեմբերի 24-ին Արաբական երկրների լիգայի կողմից Սիրիային ներկայացված վերջնագրի ժամկետը: Associated Press-ը, վկայակոչելով ԱԵԼ-ի աղբյուրին, հայտնում է, որ Սիրիայի իշխանությունները արհամարհել են լիգայի ներկայացրած վերջնագիրը:
Ժամկետը լրացել է այսօր կեսօրին (տեղական ժամանակով), եւ այժմ Արաբական երկրների լիգան 48-ժամյա նիստ կանցկացնի, որի ընթացքում Սիրիայի նկատմամբ տնտեսական պատժամիջոցներ կիրառելու մասին որոշում կկայացնի: Սահմանափակող միջոցառումների շրջանակում ԱԵԼ-ն կարող է սառեցնել սիրիական ակտիվները եւ արգելել երկրի հետ ֆինանսական գործարքների մեջ մտնելը:
«Ռոսբալտ»-ը գրում է, որ Սիրիան, իր հերթին, խստորեն քննադատել է Արաբական երկրների լիգային` այդ կազմակերպությունն անվանելով «օտարերկրյա միջամտության զենք», իսկ դրա վերջնագիրը` «ստորացուցիչ հարված».: Երկրի կառավարությունը հայտարարել է, որ Լիգան ծառայում է Արեւմուտքի շահերին, որոնք ուղղված են տարածաշրջանի ապակայունացմանը:
