նախընտրելի դարձնելԱշխարհի առաջին համար Մագնուս Կարլսենն ու երրորդ համար Լեւոն Արոնյանը, վաստակելով 5,5-ական միավոր, կիսեցին Մոսկվայում ավարտված աշխարհի 8-րդ չեմպիոն Միխայիլ Տալի հուշամրցաշարի առաջին տեղը: Լրացուցիչ ցուցանիշով առավելություն ունի Կարլսենը: Նորվեգացին սեւերով ավելի շատ պարտիա է անցկացրել: Հիշեցնենք, որ անցած տարի հաղթող ճանաչվեցին հավասար միավոր հավաքած Արոնյանը, Կարյակինը եւ Մամեդյարովը:
Վերջին տուրում Կարլսենը սեւերով հաղթեց Հիկարու Նակամուրային, իսկ Լեւոն Արոնյանը սեւերով ոչ ոքի խաղաց Յան Նեպոմնյաշչու հետ: Ավելի քան 6,5 ժամ տեւած պարտիայում գրանցվեց 85 քայլ:
Ինը տուրերում ինն անգամ ոչ ոքի խաղաց աշխարհի չեմպիոն Վիշվանաթան Անանդը: Վերջին տուրում հնդիկ գրոսմայստերի մրցակիցը հենց աշխարհի չեմպիոնի հավակնորդ Բորիս Գելֆանդն էր: Չեմպիոնական մրցամարտը տեղի կունենա հաջորդ տարի:
Վերջին տուրում ոչ ոքի ավարտվեց նաեւ Սերգեյ Կարյակին - Վասիլի Իվանչուկ պարտիան: Պյոտր Սվիդլերը հաղթեց Վլադիմիր Կրամնիկին:
Կարլսեն` 5,5
Արոնյան` 5,5
Իվանչուկ` 5
Կարյակին` 5
Նեպոմնյաշչի` 5
Անանդ` 4,5
Սվիդլեր` 4,5
Կրամնիկ` 3,5
Գելֆանդ` 3,5
Նակամուրա` 3
