Նախընտրելի
Այսօր ՀՀ ժողովրդական արվեստի թանգարանում բացվել է Չինաստանի Շանսի նահանգի թանգարանի լուսանկարների ցուցահանդեսը՝ նվիրված Շան դինաստիայի, «Գարուն-աշուն», «Պատերազմող թագավորությունների», Ցին դինաստիայի և վաղ Հան դինաստիայի ժամանակշրջաններին վերաբերող պատմական նմուշներին։
Ցուցահանդեսը կազմակերպվել է «Հայ-չինական համագործակցության կենտրոն» կազմակերպության և ՀՀ ժողովրդական արվեստի թանգարանի աջակցությամբ։ Ցուցահանդեսը կտևի մինչև օգոստոսի վերջը։ Առաջին ամսվա ընթացքում Երևանի բնակիչները կարող են տեսնել ոչ լուսանկարչական ցուցանմուշներ, իսկ օգոստոսի սկզբից ցուցահանդեսը կտեղափոխվի կամ Գյումրի, կամ Սարդարապատ։
Նշենք, որ ցուցահանդեսը բացել են ՀՀ ժողովրդական արվեստի թանգարանի տնօրեն Լուսինե Թորոյանը, Շանսիի նահանգային թանգարանի պատվիրակությունը, Հայ-չինական համագործակցության կազմակերպության նախագահ Արմեն Մխիթարյանը։
Բացումից հետո թանգարանի շենքում տեղի է ունեցել նաև գիտաժողով՝ հայ և չինացի գիտնականների մասնակցությամբ։
