նախընտրելի դարձնելVkontakte սոցիալական ցանցի հիմնադիր Պավել Դուրովը խոստովանել է, որ Ռուսաստանի Անվտանգության դաշնային ծառայությունը (ԱԴԾ) պահանջում է արգելափակել ընդդիմադիր խմբերը:
Դուրովի հետ ունեցած նամակագրությունն իր բլոգում հրապարակել է Էդուարդ Կոտը` «ՌոսՊիլ-կոռուպցիոն պատերազմ -Ալեքսեյ Նավալնի» խմբի մոդերատորը, տեղեկացնում է РБК-ն:
Դուրովը գրել է, որ վերջին օրերին ԱԴԾ-ն խնդրում է արգելափակել ընդդիմադիր խմբերը, ներառյալ նաեւ դա, բայց ցանցի ադմինիստրատորները սկզբունքորեն դա չեն անում: Նա նշել է, որ Vkontakte-ն 100 տոկոսանոց ապաքաղաքական ընկերություն է: Նրանք չեն հարում ո’չ իշխանությանը, ո’չ ընդդիմությանը, ո”չ էլ ինչ-որ կուսակցության:
«Չգիտեմ, թե սա մեզ համար ինչպես կավարտվի, բայց մենք հաստատակամ ենք»,- գրել է Դուրովը` նշելով, որ ընդդիմադիր խմբերը չեն արգելափակում, բայց բռնության կոչ անող օգտատերերին արգելափակել են եւ շարունակելու են արգելափակել:
Հիշեցնենք, Ռուսաստանի ՆԳՆ ներկայացուցիչ Ալեքսեյ Մոշկովը առաջարկել է արգելել ինտերներային անանուն հաղորդագրությունները:
