Իրանը հայտնել է Սիրիայի Հալեպ քաղաքում իր հյուպատոսության վրա ահաբեկչական հարձակման մասին, հայտնում է Mehr-ը։

«Իրանի արտաքին գործերի նախարարությունը խստորեն դատապարտել է ահաբեկչական խմբավորումների հարձակումը Սիրիայի Հալեպում իր հյուպատոսության շենքի վրա»,- ասվում է լրատվամիջոցի հաղորդագրության մեջ։

Հիշեցնենք, որ վերջին տվյալներով՝ քաղաքի մեծ մասը գրավել են թուրքամետ ահաբեկիչները։

Ավելի վաղ հայտնի էր դարձել, որ թուրքամետ իսլամիստական ​​խմբավորումները, որոնք կռվում են Բաշար ալ-Ասադի կառավարական ուժերի դեմ, անսպասելի հարձակում են սկսել Սիրիայի հյուսիս-արևմուտքում։

Իսլամիստներին գլխավորում է «Հայաթ Թահրիր ալ-Շամ» արմատական ​​խմբավորումը, որը Ալ-Քաիդայից անջատվել է 2017 թվականին։