Նախընտրելի
Դիջիթեյնը աննախադեպ ձեռքբերում արձանագրեց հայկական ընկերությունների համար՝ դառնալով ICE Barcelona 2025-ի՝ ոլորտի ամենահեղինակավոր իրադարձություններից մեկի կիզակետը։ Առաջին անգամ ֆուտբոլի համաշխարհային լեգենդներ Լուիշ Ֆիգուն, Միչել Սալգադոն, Իկեր Կասիլյասը և Մայքլ Օուենը միասին հանդես եկան հայկական ընկերության տաղավարում՝ գրավելով մեծ բազմության ուշադրությունը։ Աստղերը հանդիպեցին ցուցահանդեսի մասնակիցների հետ, պատասխանեցին նրանց հարցերին, նվիրեցին ստորագրված մարզաշապիկներ և ծանոթացան Դիջիթեյնի նորարարական լուծումներին։
Դիջիթեյնի առաջատար պրոդուկտներն ու նորարարությունները ևս մեկ անգամ գրավեցին միջազգային գործընկերների ուշադրությունը հաստատեցին ընկերության դիրքը՝ որպես ոլորտի գլոբալ առաջատարներից մեկը։
Դիջիթեյնի հիմնադիր և Նոա ֆուտբոլային ակումբի նախագահ Վարդգես Վարդանյանը նշում է. «Դիջիթեյնը տարեց տարի ընդլայնում է իր աշխարհագրությունն ու ձեռք բերում նոր խոշոր գործընկերներ: Մեր ընկերությունը պատվով ներկայացնում է Հայաստանը միջազգային հարթակներում, ստանում կարևոր մրցանակներ: Ֆուտբոլային այսպիսի լեգենդներին հայկական ընկերության հարկի տակ հյուրընկալելը աննախադեպ իրադարձություն է ոլորտում: Ուրախ եմ, որ ևս մեկ անգամ հաստատեցինք մեր կարգախոսը՝ Ստեղծված է առաջնորդելու»:
Դիջիթեյնը մասնակցեց ICE Barcelona 2025-ին մյուս բրենդների՝ ImagineLive, Galaxsys և Relum-ի հետ միասին՝ ներկայացնելով նոր կոնցեպտ, որը ներառում էր ինչպես հանրային, այնպես էլ փակ գոտիներ։ Դիջիթեյնը հատուկ այս միջոցառման համար համագործակցեց LaLiga-ի հետ՝ ստեղծելով Լեգենդների թանգարան, որտեղ ցուցադրված էին ֆուտբոլի լեգենդների՝ Պելեի, Մարադոնայի, Մեսսիի, Ռոնալդոյի և այլոց եզակի իրեր՝ դարձնելով այն միջոցառման ամենահետաքրքիր հատվածներից մեկը։ Դիջիթեյնը ոլորտի մամուլի ներկայացրեց է նաև նոր կարգախոսը՝ «Ստեղծված է առաջնորդելու», որի շուրջ կառուցված է ընկերության կորպորատիվ ինքնությունը։ ICE-ը ոլորտի ամենախոշոր և հեղինակավոր միջոցառումներից մեկն է, որը ներառում է ավելի քան 630 մասնակից ընկերություններ և օրական գրավում է ավելի քան 55,000 այցելուների։
