նախընտրելի դարձնել
Չինական DeepSeek ընկերությունը վերափոխել է արհեստական ինտելեկտի (AI) համաշխարհային շուկան և սպառնացել է ոլորտում ԱՄՆ-ի առաջատարությանը: Այս մասին գրում է Foreign Affairs ամսագիրը։
Դրա գնահատմամբ՝ DeepSeek-ը ճանապարհ է հարթում արհեստական ինտելեկտի համաշխարհային շուկայում Չինաստանի գերակայության համար։ Արհեստական ինտելեկտի տեխնոլոգիաները կարող են առավելություն տալ ռազմական ոլորտում, ինչը միայն մեծացնում է այս ոլորտում առաջընթացի կարևորությունը, նշում է հրատարակությունը։
DeepSeek-ն իր կատարողականությամբ համեմատելի է ամերիկյան OpenAI և Anthropic կորպորացիաների ChatGPT և Claude մոդելների հետ, բայց զգալիորեն ցածր գնով:
Ինչպես նշում է հրատարակությունը, եթե Միացյալ Նահանգները և նրա դաշնակիցները չարագացնեն սեփական բաց կոդով լեզվի մոդելների մշակումը, Չինաստանն առաջատար դիրք կզբաղեցնի արհեստական ինտելեկտի ոլորտում, իսկ Արևմուտքն ընդմիշտ կկորցնի իր տեխնոլոգիական գերազանցությունը։
Հունվարի 20-ին չինական DeepSeek ընկերությունը թողարկեց իր R1 չաթբոտի նոր տարբերակը, որը, ըստ նրա, գերազանցում է գերժամանակակից ChatGPT-ին: Միևնույն ժամանակ, չինական chatbot-ի մշակողները նշում են, որ իրենք ծախսել են ընդամենը 5,6 միլիոն դոլար և օգտագործել հնացած չիպեր՝ մոդելը մարզելու համար։
DeepSeek chatbot-ն արագորեն ժողովրդականություն ձեռք բերեց ամբողջ աշխարհի օգտատերերի շրջանում և ստիպեց ֆոնդային շուկաները ճոճվել ներդրողների մտավախությունների ֆոնին, որ արևմտյան AI առաջնորդները գերագնահատված են:
