նախընտրելի դարձնելԵս չեմ զարմանա, եթե մի խումբ հայ գերիներ վերադառնան Բաքվից մինչ Հայաստանում ընտրությունները, ինչպես եղավ 2021թ. Այս մասին NEWS.am -ի թղթակցի հետ զրույցում ասաց «Հայաստան» դաշինքի պատգամավոր Աննա Գրիգորյանը։
Ըստ նրա՝ Փաշինյանը կարող է գործարքի գնալ Ադրբեջանի հետ: Նա կարծում է, որ Փաշինյանը նույնիսկ գերիներին է օգտագործում իշխանությունը պահպանելու համար։
«Գերիների վերադարձի հարցը ներառված չէ խաղաղության պայմանագրի, այսպես կոչված, բանակցային փաթեթում։ Սա ողբերգություն է։ Փաշինյանը ատում է Արցախը և դրա հետ կապված ամեն ինչ, ինչպես նաև այն մարդկանց, որոնք ներկայացնում են Արցախի ինքնորոշման իրավունքի իրացման պատկերը. Մենք հիմա տեսնում ենք այս վերաբերմունքը։ Ի՞նչ են անում Բաքվում խոշտանգումների ենթարկվող հայ քաղաքացիներին հետ բերելու համար։ Ոչինչ»,- նկատեց Գրիգորյանը։
Նա հավելեց, որ ընդդիմությունը քայլեր է ձեռնարկել իշխանություններին հեռացնելու համար փողոցային պայքարի տեսքով, այդ թվում՝ միանալով տարբեր նախաձեռնությունների։
«Չնայած քննադատություններին, մենք պայքարում ենք նաև խորհրդարանում՝ օգտագործելով այս ամբիոնը ժողովրդին էկզիստենցիալ խնդիրների իրականությունը ցույց տալու համար։
Մենք մեր կռիվը տվել ենք և տանելու ենք մինչև վերջ, մինչև ձերբազատվենք մեր երկիրը խժռող, մեր արժանապատվությունը նվաստացնող Փաշինյանից»,- ընդգծեց պատգամավորը։
