նախընտրելի դարձնել
ԱՄՆ նախագահ Դոնալդ Թրամփը Truth սոցիալական ցանցում հայտարարել է, որ ստորագրել է հրաման, որով TikTok-ին թույլ է տալիս 75 օր շարունակել գործունեությունը երկրում՝ ծառայության վերակառուցման գործարքը վերջնական տեսքի բերելու համար։
«Իմ վարչակազմը քրտնաջան աշխատում է TikTok-ը փրկելու համաձայնագրի վրա, և մենք հսկայական առաջընթաց ենք գրանցել», - գրել է Թրամփը:
Նա նշել է, որ բոլոր իրավական ընթացակարգերն ավարտելու համար ավելի շատ ժամանակ է պահանջվում։
«Այդ պատճառով ես հրաման եմ ստորագրում TikTok-ը ևս 75 օր շարունակելու համար», -հավելել է նա:
Նախագահն ընդգծել է, որ Միացյալ Նահանգները չի ցանկանում, որ TikTok-ը «ընկղմվի խավարի մեջ» և հույս է հայտնել Չինաստանի հետ հետագա բարեխիղճ համագործակցության համար՝ չնայած պարտադրված հայելային մաքսատուրքերից Պեկինի դժգոհությանը։
«Դա ապացուցում է, որ մաքսատուրքերը ամենահզոր տնտեսական գործիքն են, չափազանց կարևոր ազգային անվտանգության համար»,- ասել է նա։
Թրամփը հավելել է, որ Միացյալ Նահանգներն անհամբեր սպասում է «TikTok-ի և Չինաստանի հետ գործարքի ավարտին»։
