նախընտրելի դարձնել
Ռոբոտաշինության չինական Pudu Robotics ընկերությունը ստեղծել է FlashBot Arm «կիսամարդ» ռոբոտը: Այն ունի հոդակապերով ձեռքեր և սենսորային էկրան, որը ցուցադրում է ռոբոտի ընթացիկ «տրամադրությունը»: Ի տարբերություն լիովին մարդանման ռոբոտների, որոնք դեռ անկատար են, այս ռոբոտը կարող է գործնական լայն կիրառություն գտնել հենց հիմա:
FlashBot-ը համալրված է 7 աստիճան ազատության թևերով, ինչի շնորհիվ նա կարող է պարծենալ մինչև երկու մետր աշխատանքային շառավղով: Այս կոնֆիգուրացիան թույլ է տալիս նրան կատարել այնպիսի առաջադրանքներ, ինչպիսիք են առարկաներ վերցնելը և տեղափոխելը, վերելակներում եղած կոճակների նման կոճակներ օգտագործելը և քարտ-բանալիներ կարդալը՝ մուտքի վերահսկողության համար։
FlashBot Arm-ի հիմնական կիրառումը հյուրանոցներում հյուրերին տարբեր առարկաներ և պատվերներ հասցնելն է: Pudu-ն նաև նախատեսում է այն օգտագործել այնպիսի վայրերում, ինչպիսիք են գրասենյակային շենքերը, ռեստորանները, առևտրի կենտրոնները և բժշկական հաստատությունները։ Ակնկալվում է, որ ռոբոտը, որն օգտագործում է ԱԲ լեզվական մեծ մոդել, ինչպես նաև խոսափող և բարձրախոս, կկարողանա պարզ խոսակցություններ վարել մարդ-օգտատերերի հետ, որոնք կարող են նրան առաքման բանավոր հրահանգներ տալ: FlashBot-ը կշռում է մոտավորապես 15 կիլոգրամ, իսկ չորս ժամով մեկ լիցքավորումն ապահովում է ութ ժամվա աշխատանք՝ առանց ծանր բեռներ կրելու:
