նախընտրելի դարձնել
Իսրայելի վարչապետ Բենիամին Նեթանյահուն այսօր երեկոյան, տեղի ժամանակով ժամը 20:00-ին կգումարի անվտանգության նախարարների նիստ, հայտնել է Times of Israel-ը՝ հղում կատարելով նախարարներից մեկի գրասենյակի աղբյուրին։
Օրակարգում կլինեն Իրանի միջուկային ծրագիրը եւ ԱՄՆ-Իրան բանակցությունները, հայտնել է երկրորդ աղբյուրը:
Իրանի եւ ԱՄՆ պատվիրակությունները վերջին երկու շաբաթվա ընթացքում Մասկատում եւ Հռոմում բանակցությունների երկու փուլ են անցկացրել՝ Իրանի միջուկային ծրագրի շուրջ համաձայնության հասնելու եւ Իրանի նկատմամբ պատժամիջոցները չեղարկելու համար:
Կողմերը պայմանավորվել են փորձագիտական մակարդակով տեխնիկական բանակցություններ սկսել Օմանում ապրիլի 23-ին, որին կհաջորդի առաջատար բանակցողների հանդիպումը ապրիլի 26-ին:
The Jerusalem Post-ն ավելի վաղ հայտնել էր, որ Իսրայելի բարձրաստիճան պաշտոնյաները հանդիպել են Իրանի հարցով ԱՄՆ հատուկ բանագնաց Սթիվ Ուիթքոֆի հետ, սակայն նրանց չի հաջողվել «փոխել նրա ուղղությունը» Թեհրանի հարցում:
