Հոկտեմբերին Ռուսաստանում կանցկացվեն Հայկական մշակույթի օրեր։ Այս մասին Երևանում հայտարարել է Ռուսաստանի ԱԳ նախարար Սերգեյ Լավրովը։

Նա մատնանշել է մշակութային-մարդասիրական կապերի ամրապնդման կարևորությունը։

«Սա ավանդաբար դինամիկ ուղղություն է և մեծ հետաքրքրություն ու աջակցություն է վայելում երկու երկրների քաղաքացիների կողմից։ Անցյալ տարի տեղի է ունեցել ավելի քան 700 միջոցառում, այսինքն՝ օրական երկու մշակութային միջոցառում։

Այս տարի միտումը շարունակվում է, հոկտեմբերին Ռուսաստանում կանցկացվեն Հայկական մշակույթի օրեր», - նշել է ռուսաստանյան նախարարը։