Այս պահին հոգևորականները Մայր Աթոռի դարպասների մոտ շարականներ են երգում։ Քաղաքացիները տերունական աղոթք հնչեցրեցին՝ ի աջակցություն եկեղեցու ու հոգևորականների։

NEWS.am–ի թղթակցի հաղորդմամբ, իրավիճակը պարբերաբար լարվում է։

Հիշեցնենք` ԱԱԾ–ն մեծաթիվ ուժերով Մայր Աթոռ է եկել՝ Շիրակի թեմի առաջնորդ Միքայել Սրբազանին ձերբակալելու համար։ Մինչեւ այդ առավոտյան Շիրակի թեմի առաջնորդարանում խուզարկություն էր իրականացվել։ Ըստ ՔԿ–ի` Միքայել Աջապահյանի բնակության հասցեում կատարվել են անհրաժեշտ քննչական և վարութային գործողություններ։

Ավելի վաղ Շիրակի թեմի առաջնորդ Միքայել արքեպիսկոպոս Աջապահյանի նկատմամբ քրեական վարույթ էր նախաձեռնվել իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի հոդվածով։