նախընտրելի դարձնելՉինաստանի Շանսի նահանգի Սիան քաղաքի մոտ գտնվող Տերակոտե բանակի թանգարանը աշխարհի ամենատպավորիչ հնագիտական վայրերից մեկն է։ Այն հանրության համար բացվել է 1979 թվականին և այդ ժամանակից ի վեր ամեն տարի միլիոնավոր զբոսաշրջիկների է գրավում (ֆոտոռեպորտաժ)։
Տերակոտե բանակը պատահաբար հայտնաբերվել է 1974 թվականին՝ տեղացի գյուղացիների կողմից, ջրհոր փորելիս։ Հնագետները պարզել են, որ զինվորների, ձիերի և մարտակառքերի արձանիկները ստեղծվել են ավելի քան երկու հազար տարի առաջ՝ միացյալ Չինաստանի առաջին կայսր Ցին Շի Հուանդիի հրամանով։ Նրանց գլխավոր խնդիրն էր պահպանել ղեկավարի հանգիստը հանդերձյալ կյանքում։
Ավելի քան ութ հազար զինվորներից յուրաքանչյուրը յուրահատուկ է. նրանք ունեն տարբեր դիմագծեր, սանրվածքներ, զրահներ և զենքեր: Քանդակների բարձրությունը հասնում է գրեթե երկու մետրի: Տերակոտե բանակը տեղակայված է հատուկ կառուցված տաղավարներում՝ «փոսերում», որտեղ շարունակվում են հնագիտական պեղումները։
Թանգարանը ոչ միայն պահպանում է Հին Չինաստանի եզակի ժառանգությունը, այլև ակտիվորեն մասնակցում է միջազգային ցուցահանդեսների և գիտական նախագծերի։ Ցուցանմուշները պարբերաբար արտասահման են տեղափոխվում, ինչը թույլ է տալիս ավելի լայն լսարանին ծանոթանալ այս նշանավոր հուշարձանին։
Այսօր Տերակոտե բանակի թանգարանը ՅՈՒՆԵՍԿՕ-ի Համաշխարհային ժառանգության ցանկում է և համարվում է չինական պատմության և մշակույթի խորհրդանիշներից մեկը։
Խորեն Գրիգորյան Սիանից
