Ռումինիայի հարավ-արեւմուտքում մոլեգնում է փոթորիկն ու ձյունամրրիկը: Հաղորդվում է, որ կան զոհեր. մի տղամարդ մահացել է իր մեքենայում ցրատահարությունից, նրա կինը ծանր վիճակում հիվանդանոցում է:  Եւս մի կին զոհվել է  սռացակալած ճանապարհին` տրանսպորտային պատահարի արդյունքում:

Ավելի քան հազար ավտոմեքենա եւ ավտոբուս է մնացել ճանապարհներին, հասցված նյութական վնասի չափը բավականին մեծ է: Տապալվել են հարյուրավոր ծառեր, վնասվել են մեծաթիվ ավտոմեքենաներ,  փոթորիկը պոկել է տասնյակ տների տանիքներ: Էլեկտրագծերի վնասվելու արդյունքում տասնյակ բնակավայրեր մնացել են առանց էլեկտրականության, հաղորդում է  ԻՏԱՌ-ՏԱՍՍ-ը:

Տարերքը դժվարացրել է երթեւեկությունը դեպի մայրաքաղաք Բուխարեստ:  Քաղաք մտնող գրեթե բոլոր մայրուղիները կաթվածահար են: