ՆախընտրելիՀայաստանում պետք է ստեղծել ատենակալների դատարանի ինստիտուտ։ Այս մասին հունվարի 29-ին լրագրողների հետ զրույցում հայտնել է ՀՀ վարչապետ Նիկոլ Փաշինյանը։
«Մենք կշարունակենք բարեփոխումները, այդ թվում՝ սահմանադրական փոփոխությունների շրջանակում։ Ես կարծում եմ, որ Հայաստանը պետք է ստեղծի ատենակալների դատարանի ինստիտուտ։ Սա, ի թիվս այլ բաների, կապահովի նաեւ դատական համակարգի եւ հանրության միջեւ բնական եւ շատ անմիջական կապ»,- ասել է Փաշինյանը։
Վարչապետի խոսքով՝ 2018 եւ 2019թթ․ համեմատ, ավելի քիչ նամակներ է ստացել քաղաքացիներից, որոնք դժգոհություն են հայտնում դատարանի որոշումներից։ «Ներկայում նման նամակների մասնաբաժինը մի քանի անգամ, եթե ոչ տասնյակ անգամ, նվազել է։ Ես ամեն օր նամակներ եմ ստանում քաղաքացիներից եւ ամեն օր կարդում եմ դրանք։ Ես ամեն օր զբաղվում եմ դրանցով»,- վստահեցրել է վարչապետը։
