նախընտրելի դարձնելԳյումրիի քաղաքապետ Վարդան Ղուկասյանի գործով դատական նիստում դատարանը բավարարեց հանրային մեղադրողների կողմից ներկայացված միջնորդությունը և Վարդան Ղուկասյանին դատական նիստին հարկադիր ներկայացնելու որոշում կայացրեց:
Դատական հաջորդ նիստը կկայանա վաղը՝ փետրվարի 13–ին, ժամը 15:30-ին։
Նշենք, որ այսօր դատական նիստին ներկա չէր Վարդան Ղուկասյանը, ինչպես նաև իր պաշտպաններից Զարուհի Փոստանջյանը։
Հիշեցնենք, որ Քննչական կոմիտեի հաղորդագրության համաձայն՝ Վարդան Ղուկասյանը և ևս 7 հոգի, այդ թվում՝ Գյումրիի գլխավոր ճարտարապետ Հենրիկ Գասպարյանը, ձերբակալվել են 4 մլն դրամ կաշառք ստանալու համար:
ակակոռուպցիոն դատարում քննվող գործով Վարդան Ղուկասյանը մեղադրվում է 1999-ից 2012 թվականներին Գյումրիի քաղաքապետ եղած ժամանակ հողամասեր ապօրինի օտարելու համար։
Գյումրիի քաղաքապետը մեղադրանքը չի ընդունում:
