Նախընտրելի
Ռուսաստանի փոխվարչապետ Ալեքսեյ Օվերչուկը, ըստ ՌԻԱ Նովոստիի, հայտարարել է, որ Հայաստանի խնդրանքով Ռուսաստանը սկսում է բանակցություններ երկաթուղիների երկու հատվածների վերականգնման վերաբերյալ, որոնք կապ կապահովեն Ադրբեջանի և Թուրքիայի երկաթուղիների հետ։
«Հայկական կողմի խնդրանքին համապատասխան և Հայաստանի ժողովրդի նկատմամբ բարեկամական և եղբայրական զգացմունքներից ելնելով՝ Ռուսաստանի Դաշնությունը որոշել է սկսել բովանդակային բանակցություններ Հայաստանի երկաթուղիների երկու հատվածների վերականգնման վերաբերյալ, որոնք կապ կապահովեն Երասխ քաղաքի մոտ գտնվող Ադրբեջանի Հանրապետության երկաթուղիների, ինչպես նաև Ախուրյան գյուղի մոտ գտնվող Թուրքիայի Հանրապետության երկաթուղիների հետ», - լրագրողներին ասել է Օվերչուկը։
Նա նշել է, որ վերականգնվող երկաթուղու հատվածների ընդհանուր երկարությունը մոտավորապես 1.6 կմ և 12.4 կմ է։ Բանակցությունների ընթացքում կորոշվեն այս նախագծի իրականացման տեխնիկական, ֆինանսական և այլ եղանակները։
«Մենք բարձր ենք գնահատում ռուսական փորձի, գիտելիքների և տեխնոլոգիաների նկատմամբ վստահությունը, որը հայկական կողմը կրկին ցույց է տվել՝ դիմելով Ռուսաստանին», - ընդգծել է Օվերչուկը։
O
