ԱՄՆ նախագահ Դոնալդ Թրամփը Truth Social սոցիալական ցանցում Իրանին զգուշացրել է հարվածների նոր ալիքից։

«Իրանը հենց նոր հայտարարեց, որ այսօր շատ հզոր հարված է հասցնելու՝ ավելի հզոր, քան երբևէ։ Սակայն ավելի լավ է դա չանեն, քանի որ եթե անեն, մենք նրանց կհարվածենք նախկինում չտեսնված ուժով», - գրել է ԱՄՆ նախագահը։

Իսրայելը փետրվարի 28-ի առավոտյան հարվածել է Իրանին։ Ամերիկյան առաջնորդ Դոնալդ Թրամփն էլ հայտարարել է Իրանի դեմ ԱՄՆ-ի ռազմական գործողություն սկսելու մասին։ Թիրախավորվել են Իրանի արևմուտքում գտնվող ռազմական օբյեկտները, երկրի գերագույն առաջնորդ այաթոլա Ալի Խամենեիի նստավայրը, ինչպես նաև Մինաբ քաղաքի տարրական դպրոցը։

Ի պատասխան՝ Իրանը հրթիռային հարվածներ է հասցրել Իսրայելին և տարածաշրջանում ԱՄՆ ռազմաբազաներին։