ԱՄՆ նախագահ Դոնալդ Թրամփը մարտի 6-ին հայտնել է պետքարտուղար Մարկո Ռուբիոյին Կուբա ուղարկելու մտադրության մասին՝ Վաշինգտոնի և Հավանայի միջև բանակցությունների շրջանակում։

 «Նրանք ցանկանում են գործարք կնքել, ուստի ես այնտեղ կուղարկեմ Մարկոյին, և կտեսնենք, թե դրանից ինչ դուրս կգա։ Հիմա  կենտրոնացած ենք հենց այդ հարցի վրա», - CNN-ի հետ զրույցում ասել է նա։

Սպիտակ տան ղեկավարը ավելի վաղ հայտարարել էր, որ Կուբայի վերաբերյալ ԱՄՆ-ի հնարավոր ապագա գործողությունները միայն «ժամանակի հարց են», սակայն Միացյալ Նահանգները նախ ցանկանում է «ավարտել Իրանի հետ գործերը»։

Նախորդ օրը ԱՄՆ առաջնորդը հայտարարել էր, որ Կուբայի քաղաքական ռեժիմը կարող է փլուզվել։ Թրամփը հաստատել է նաև, որ ԱՄՆ-ը կապ է պահպանում Կուբայի կոմունիստական ​​ղեկավարության հետ, քանի որ Վենեսուելայի առաջնորդ Նիկոլաս Մադուրոյի ձերբակալությունից հետո կղզում անկայունությունը մեծանում է։