ԱՄՆ Կենտրոնական հրամանատարությունը (CENTCOM) X սոցիալական ցանցում հրապարակել է Պենտագոնի ղեկավար Փիթ Հեգսեթի սպառնալիքը։

«Եթե դուք սպանեք ամերիկացիների, եթե դուք սպառնաք ամերիկացիներին երկրագնդի ցանկացած կետում, մենք առանց ներողությունների ու վարանելու կգտնենք և կսպանենք ձեզ», - CENTCOM-ը մեջբերում է Հեգսեթին։

Հրամանատարությունը հրապարակել է նաև սպառնալիքին ուղեկցող տեսանյութ։

Դրանում պատկերված են տրանսպորտային միջոցների և շինությունների «գաղտնազերծված» կադրեր, որոնք ռմբակոծում և ոչնչացնում են ամերիկյան զորքերը։

Հիշեցնենք, որ փետրվարի 28-ից ԱՄՆ-ն և Իսրայելը հարձակվում են Իրանի տարածքի վրա, ինչը հանգեցրել է ավերածությունների և մարդկային զոհերի։ Ի պատասխան՝ Իրանը հրթիռային հարվածներ է հասցնում Իսրայելին և տարածաշրջանում ԱՄՆ ռազմաբազաներին։ Իսրայելի և ԱՄՆ հարձակման հետևանքով սպանվել են նաև Իրանի գերագույն առաջնորդ այաթոլա Ալի Սեյեդ Խամենեին և երկրի այլ բարձրաստիճան պաշտոնյաներ։

Մարտի 2-ին Իսրայելի դեմ պատերազմի մեջ է մտել նաև «Հեզբոլահ» շարժումը։ Իսրայելը հայտնել է շարժման դեմ հարձակողական գործողություն սկսելու մասին։