նախընտրելի դարձնել«Մենք տասնամյակներ շարունակ կառուցել ենք օտար երկրներ, արել ենք դա շատ լավ, բայց եկել է դա փոխելու, վերադառնալու և մեր սեփական հայրենիքը կառուցել սկսելու ժամանակը»։ Մայիսի 15-ին Գեղարքունիքի մարզի Գավառ քաղաքում ընտրողների հետ հանդիպման ժամանակ դրա մասին հայտարարել է «Ուժեղ Հայաստան» կուսակցությունների դաշինքի պատգամավորության թեկնածուների համամասնական ցուցակը գլխավորող Նարեկ Կարապետյանը։
Քաղաքական գործիչը նշեց, որ շատ հայերի, նրանց թվում՝ դաշինքի առաջնորդ Սամվել Կարապետյանի ճակատագիրը նույն կերպ է դասավորվել. 90-ականներին տնտեսության փլուզումից հետո մարդիկ ստիպված են եղել լքել Հայաստանը, որպեսզի ծանր աշխատանքով պահեն իրենց ընտանիքները։ Նա ընդգծեց, որ հենց արտերկրում մեր հայրենակիցների վաստակած միջոցներն են տարիներ շարունակ պահպանել Հայաստանի կենսունակությունը, մինչդեռ ներկա իշխանություններն իրենց թույլ են տալիս այդ մարդկանց արհամարհանքով «եկվորներ» անվանել։
Կարապետյանը վստահություն է հայտնել, որ փորձառու տնտեսագետի և արարողի ղեկավարությամբ տասնյակ հազարավոր հայեր տուն կվերադառնան, քանի որ լայնածավալ շինարարությունն ու արդյունաբերության վերականգնումը ծավալվելու են հենց այստեղ՝ հարազատ հողի վրա։
Իր ելույթում Նարեկ Կարապետյանն առանձնահատուկ ուշադրություն դարձրեց ժողովրդագրական իրավիճակին՝ նշելով, որ Գավառն ու Մարտունու տարածաշրջանը պատմականորեն հայտնի են եղել Հայաստանում ամենամեծ ընտանիքներով։ Նա ընդգծեց, որ այսօր շատ երիտասարդներ վախենում են երեխաներ ունենալ բնակարանային խնդիրների և կենցաղային անապահովության պատճառով։ Այս հարցի լուծման համար դաշինքն առաջարկում է եզակի ծրագիր. բարերարների ձևավորած հատուկ հիմնադրամի հաշվին՝ յուրաքանչյուր ընտանիքի հինգերորդ երեխայի ծնվելու դեպքում կտրամադրվի բնակարան։ Ընդ որում, քաղաքական գործիչը հատուկ նշեց, որ բնակարանը ձևակերպվելու է մոր անունով՝ ընտանիքում նրա դերն ու իրավունքներն ամրապնդելու համար։
Նարեկ Կարապետյանն ընդգծեց իր թիմի սկզբունքային տարբերությունը նախորդներից՝ հայտարարելով, որ առաջին անգամ երկիրը ղեկավարելու է ոչ թե լրագրող, այլ պրոֆեսիոնալ տնտեսագետ, որը «գիտի՝ ինչպես ստեղծել աշխատատեղեր և կազմակերպել արտադրություն, այլ ոչ թե սոսկ մատնագրեր գրել»։ Նրա խոսքով՝ հենց գրագետ կառավարման բացակայությունն է հանգեցրել գյուղերի դատարկմանը, սակայն այժմ հաջողակ հայրենակիցների՝ արտերկրում կուտակած փորձն ու կապիտալը կուղղվեն Հայաստանի ազգային ինքնիշխանության և տնտեսության ամրապնդմանը։
Հանդիպման ավարտին նա հիշեցրեց ժողովրդի պատմական հիշողությունը՝ նշելով, որ մեր նախնիները ժամանակին գաղթել են Արևելյան Հայաստան, որպեսզի չապրեն թշնամու լծի տակ։ Կարապետյանն ընդգծեց, որ այսօր չի կարելի թույլ տալ, որ հակառակորդը կրկին իր պայմանները թելադրի հայկական հողի վրա։ Նա ընտրողներին կոչ արեց վստահ լինել փոփոխությունների հարցում և համախմբվել ուժեղ առաջնորդի շուրջ, որն ի վիճակի է երկրին վերադարձնել պատիվն ու արժանապատվությունը։ «Մենք մեր ձայները ոչ մեկի չենք տա, այլ միայն այն մարդուն, որը գործով է ապացուցել իր նվիրվածությունը հայրենիքին»,- եզրափակեց նա՝ հավաքվածների հավանության որոտացող ծափերի ներքո։
