նախընտրելի դարձնելԻշխանությունները կարող են զորահանդեսներ անցկացնել, բայց նրանք պարտավոր են հասարակությանը հստակ հայտարարել այդ միջոցառման նպատակների մասին, քանի որ մեր իրականության մեջ դա սեփական ձախողումների ցուցադրություն է թվում. մայիսի 26-ին Հակակոռուպցիոն դատարանի շենքի մոտ լրագրողների հետ զրույցում հայտարարել է «Ուժեղ Հայաստան» կուսակցությունների դաշինքի ղեկավար Սամվել Կարապետյանը։
Կարապետյանը խիստ կոշտ է արձագանքել մայիսի 28-ին զորահանդես անցկացնելու կառավարության մտադրությանը՝ երկրում անվտանգային ծանրագույն ճգնաժամի ֆոնին։ Նա նշել է, որ երեք անգամ պատերազմում պարտված իշխանությունը նման հանդիսավոր միջոցառումների անցկացմամբ պարզապես ակնառու ցույց է տալիս, թե հատկապես ում գործողությունների պատճառով է Հայաստանը հայտնվել կապիտուլյանտական և աղետալի վիճակում։
Հիշեցնենք, որ մայիսի 28-ին Հայաստանում նշվում է Առաջին Հանրապետության օրը։ Այդ օրը Հանրապետության հրապարակում տեղի կունենա զորահանդես, որի ժամանակ երկրի իշխանությունները կցուցադրեն նոր ձեռք բերված սպառազինությունը։
Նշենք, որ Հայաստանում վերջին լայնամասշտաբ զորահանդեսը տեղի է ունեցել 2016 թվականի սեպտեմբերի 21-ին Երևանի Հանրապետության հրապարակում՝ 2016 թվականի Քառօրյա ապրիլյան պատերազմից հետո։
