նախընտրելի դարձնելՍխալ բանակցությունների և բազմաթիվ դիվանագիտական ձախողումների հետևանքով մենք զգալի մարդկային կորուստներ ենք ունեցել և բախվել ենք լուրջ խնդիրների։ Սեպտեմբերի 14-ին Ազգային ժողովի նիստում «Մի կողմից՝ Եվրասիական տնտեսական միության ու դրա անդամ պետությունների, և մյուս կողմից՝ Ինդոնեզիայի Հանրապետության միջև ազատ առևտրի մասին» համաձայնագրի վավերացման քննարկման ժամանակ այս մասին հայտարարել է ընդդիմադիր «Ուժեղ Հայաստան» խմբակցության ղեկավար Նարեկ Կարապետյանը։
«Ինչ վերաբերում է ՀԱՊԿ-ին, ապա մեր դիրքորոշումը հետևյալն է՝ մենք հարցեր ունենք Կազմակերպությանը, որոնք անհրաժեշտ է պարզաբանել։ Այդ հարցերը կապված են Ջերմուկի, Վարդենիսի հետ, և այդ մասին մենք բազմիցս հայտարարել ենք։ Եթե կարծում եք, որ ՀԱՊԿ-ին այլընտրանք կա, խնդրեմ, եկեք և ներկայացրեք», — ասել է Կարապետյանը՝ դիմելով իշխող «Քաղաքացիական պայմանագիր» խմբակցության պատգամավորներին։
