նախընտրելի դարձնելՀռոմում «Հինգ աստղի շարժում» քաղաքական ուժը բազմամարդ հանրահավաք է անցկացրել փետրվարի 22-ին:
Երիտասարդ քաղաքական ուժի հանրահավաքը, որի առաջնորդը երգիծաբան Բեպե Գրիլոն է, նվիրված էր կուսակցության «ցունամի արշավի» ավարտին եւ սկսվել է լրագրողների հետ դիմակայությամբ, որոնց երկար ժամանակ թույլ չեն տվել միջոցառման վայրին մոտենալ, հաղորդում է «ՌԻԱ Նովոստին»:
Բեպե Գրիլոն, դիմելով ընտրողներին, ասել է, որ եկել է «իրականությունց հեռու» քաղաքական գործիչների վերջը, որոնց իտալացիներն ամեն օր տեսնում են Հռոմում զրահապատ մեքենաներով:
«Հինգ աստղի շարժում» կուսակցությունն ի հայտ է եկել 2009 թ-ին ` անսպասելի հաղթանակ տանելով տեղական ընտրություններում: Քաղաքական ուժը մասնակցելու է փետրվարի 24–25 –ը Իտալիայում կայանալիք խորհրդարանական ընտրություններին:
