նախընտրելի դարձնելԻսրայելի Թել Ավիվում հունիսի 7-ին գեյ-շքերթ է կայացել, որին մասնակցել է հարյուր հազար մարդ: Միջոցառման մասնակիցների թվում են եղել նաեւ Ֆրանսիայի առաջին գեյ-ամուսինները, ԱՄՆ-ի դեսպանը եւ իսրայելցի նախարարները:
«Հպարտության շքերթը» աշխարհի ամենահանդուրժողական քաղաքներից մեկում կրկնակի հոբելյանական է` այն տեղի է ունեցել 15-րդ անգամ եւ նշանավորում է Իսրայելում ԼԳՏՊ հրապարակային ակցիաների անցկացումն սկսելու 20-ամյակը, գրում են տեղի լրատվամիջոցները:
Համարձակ հագուստներով, գունավոր դրոշներով, չամաչելով իրենց զգացմունքներից` լեսբուհիները, գոյերը, բի եւ տրանսսեքսուալները հավաքվել էին Թել Ավիվի կենտրոնում: Քաղաքային ափը պարահրապարակի էր վերածվել, իսկ Թել Ավիվի հրապարակներից մեկում ցույց է անցկացվել:
ԱՄՆ-ի դեսպան Դան Շապիրոն փոխանցել է նախագահ Բարաք Օբամայի, պետքարտուղար Ջոն Քերրիի եւ ամերիկյան ժողովրդի ողջույնը, իսկ արդարադատության նախարար Ցիպի Լիվնին սեր է խոստովանել ներկաներին եւ երդվել պայքարել նրանց նկատմամբ ճնշումների դեմ:
