նախընտրելի դարձնելՊակիստանում վերջին երկու շաբաթվա ընթացքում տեղատարափ անձրեւների զոհ է դարձել 130 մարդ, իսկ բնական աղետից տուժել է ընդհանուր առմամբ 330 հազար մարդ:
Տվյալ պահին ամբողջովին ջրի մեջ են 770 գյուղեր Փենջաբ եւ Խայբեր Փահթունհվա նահանգներում: Ջրի հեղեղն ավերել է 2,5 հազար բնակելի տներ եւ կառույցներ, հայտնել են այսօր Պակիստանի տարերային աղետների հետեւանքների վերացման ազգային ծառայությունից:
Այդ շրջաններում տուժած բնակիչներին ժամանակավորապես տեղավորելու համար ստեղծվել են 400 վրանային քաղաքներ, որտեղ մարդկանց առաջին բուժօգնություն է տրամադրվում, ինչպես նաեւ կերակուր է բաժանվում:
Պակիստանի իշխանությունները հրահանգել են բաց թողնել ջրամբարների ավելորդ ջրերը Տերբելեում եւ Սիմլեում:
ԻՏԱՌ-ՏԱՍՍ-ը հայտնում է, որ ըստ օդերեւութաբանների` արդեն այս շաբաթվա վերջում տեղատարափ անձրեւները պետք է դադարեն:
