նախընտրելի դարձնելԳերմանիայի կանցլեր Անգելա Մերկելը այցելել է Դախաուի նացիստական նախկին համակենտրոնացման ճամբար, որը Մյունխենից ոչ հեռու է տեղակայված։ Կանցլերը ճամբար այցելել է դրա նախկին գերիներից մեկի՝ 93-այա Մաքս Մանհայմերի հրավերով։
Նա հանդիպել է ողջ մնացած գերիների հետ, այնուհետեւ ծաղկեպսակներ է դրել եւ այցելել տեղի թանգարան։
ԳԴՀ կառավարության ղեկավարի խոսքով՝ Դախաուում զոհվածների մասին հիշողությունն իրեն մեծ վշտի եւ ամոթի զգացումով է համակում, գրում է Deutsche Welle-ն։
Մերկելը ԳԴՀ պատմության մեջ առաջին կանցլերն է, որն այցելել է Դախաու։ Քննադատները նրան մեղադրում են ընտրությունների նախաշեմին միավորներ հավաքելու ցանկության մեջ։
Բունդսթագում կանաչների կուսակցության առաջնորդ Ռենատ Կյունաստը Կանցլերի Դախաու այցը «աճաշակ քայլ» է անվանել՝ հիշեցնելով, որ նախկին համակենտրոնացման ճամբար այցելելուց հետո Մերկելը հանդես կգա նախընտրական ճառով, հայտնում է rbc-ն։
Դախաուն բացվել էր 1933թ.։ Համակենտրոնացման ճամբարի գոյության 12 տարիներին դրա գերիներ են եղել մոտ 200 հազար մարդ, որոնցից 30 հազարն ընդմիշտ մնացել են այնտեղ։ Համակենտրոնացման ճամբարի տեղում հուշահամալիր է կառուցվել։
