նախընտրելի դարձնելՈւկրաինայի Գերագույն ռադայի Կոմունիստական կուսակցության խմբակցության առաջնորդ Պյոտր Սիմոնենկոն խորհրդարանի առավոտվա նիստում պատգամավորների հարձակմանն է ենթարկվել:
Սիմոնենկոյին դահլիճից հեռացնելու առաջարկ հնչելուց հետո «Ազատություն» կուսակցության պատգամավորները սկսել են հրելով դուրս բերել կոմունիստների առաջնորդին՝ այն խոսքերի համար, թե ուկրաինացի ուժայինները քաղաքացիներին սպանում են օրգանները փոխպատվաստման նպատակով օգտագործելու համար:
Սիմոնենկոյին վերագրվող այդ խոսքերն ամբիոնից մեջբերել է «Ազատություն» կուսակցության պատգամավորներից մեկը:
Գերագույն ռադայի նախագահ Ալեքսանդր Տուրչինովը սկզբում 15 րոպեով ընդմիջում է հայտարարել, հետո խմբակցությունների առաջնորդներին խնդրել հանգստացնել պատգամավորներին:
Հիշեցնենք, մեկ օր առաջ էլ Ազատություն» կուսակցության պատգամավորները ցանկացել էին ծեծել «Ռեգիոնների կուսակցության» պատգամավոր Նիկոլայ Լեւչենկոյին, ով հայտարարել էր, թե Պյոտր Պորոշենկոյի խաղաղ ծրագիրը ձախողվել է: Նա նաեւ ասել էր, որ իշխանություններն ու բանակը կոտորում են մարդկանց:
Հավելենք, հուլիսի 23-ին Ուկրաինայի նախագահ Պյոտր Պորոշենկոն օրենք է ստորագրել, որը թույլ է տալիս ցրել Կոմունիստական կուսակցության խմբակցությունը:
