նախընտրելի դարձնելՊրահայում ցույցի մասնակիցները ձվեր եւ լոլիկներ են նետել Չեխիայի նախագահ Միլոշ Զեմանի վրա, սակայն դիպել են նրա գերմանացի գործընկեր Յոահիմ Գաուկին, հայտնում է Lenta.ru-ն:
Աղբյուրը նշում է, որ միջադեպը տեղի է ունեցել համալսարանական կամպուսի մոտ Զեմանի ճառի ժամանակ, որտեղ 25 տարի առաջ տեղի է ունեցել ուսանողական ցույց, որը սկիզբ էր դրել «թավշյա հեղափոխությանը»: Երբ Զեմանի ներկայությունից դժգոհները սկսել են սնունդ նետել նախագահի, ինչպես նաեւ այդ կապակցությամբ Չեխիա ժամանած Գերմանիայի, Հունգարիայի, Լեհաստանի եւ Սլովակիայի նախագահների վրա, թիկնապահները սեւ անձրեւանոցներ են բացել՝ նրան պաշտպանելու համար: Սակայն մի ձու դիպել է Գաուկի գլխին:
Ամբոխը աղաղակել է՝ «Ամոթ» եւ «Հրաժարական», ոմանք ձեռքներին «Մենք չենք ցանկանում լինել Ռուսաստանի գաղութը» կոչով պաստառներ են ունեցել: Ինչ-որ պահի ցուցարարները նախագահին կարմիր քարտ են ցույց տվել:
Աղբյուրը նշում է, որ չեխական մամուլը սկսել է բացահայտ քննադատել Զեմանին, երբ նա դեմ է արտահայտվել հակառուսական պատժամիջոցներին՝ Ուկրաինայի խնդրի կապակցությամբ:
1989 թ. նոյեմբեր-դեկտեմբերին Չեխոսլովակիայում «թավշյա հեղափոխություն» էր տեղի ունեցել, որի արդյունքում կոմունիստները զրկվել էին երկրում իշխող դերից, իսկ նոր առաջնորդ էր դարձել գրող Վացլավ Հավելը:
