նախընտրելի դարձնելՊաղջուր գետի հովտում իրականացված ապօրինի անտառհատումների փաստի առթիվ հարուցվել է քրեական գործ, հաղորդում է «ԷկոԼուրը»:
Հիշեցնենք, որ Պաղջուր գետի հովտում իրականացված ապօրինի ծառահատումների մասին 2014թ-ի նոյեմբերին ահազանգեցին Համահայկական բնապահպանական ճակատի անդամ Լեւոն Գալստյանը եւ բնապահպան Գոռ Հովհաննիսյանը: Նշենք, որ այդ ժամանակ «Հայանտառ» ՊՈԱԿ-ի ներկայացուցիչը հայտարարեց, որ նշված տարածքում ապօրինի հատվել է 12 ծառ:
Հարուցված քրեական գործի քննության համար հունվարի 14-ին «Լաստիվեր» կոչվող հանդամասի եւ «Իջեւանի անտառտնտեսություն» մասնաճյուղի թիվ 1 պահաբաժնի անտառային ֆոնդի տարածքներում կատարվեց զննություն, ծառերի չափագրում ՀՀ քննչական կոմիտեի, «Հայանտառ» ՊՈԱԿ-ի, «Խաչաղբյուր 2» ՓՀԷԿ-ը շահագործող «Մեգաէներջի» ՍՊԸ-ի ներկայացուցիչների եւ Համահայկական բնապահպանական ճակատի անդամ Լեւոն Գալստյանի մասնակցությամբ եւ կազմվեց արձանագրություն:
«Բացի նախկինում հայտնաբերված 12 ապօրինի հատված ծառից հայտնաբերվեցին 25 նոր հատված ծառեր, 30-ից ավելի 2-3 տարվա հատված ծառեր եւ բազմաթիվ ծառեր, որոնք հատվել են 3-ից ավելի տարի առաջ: Այդ բոլորն անօրինական հատումներ էին», - ԷկոԼուրի հետ զրույցում ասաց Լեւոն Գալստյանը՝ նշելով, որ հիմնականում հատված էին բոխի, հաճարենի եւ թեղի ծառատեսակներ:
