նախընտրելի դարձնելՄոսկվայում ձերբակալել են Լենինի դամբարանը «սուրբ ջրով» ցողած ակտիվիստներին, որոնք «Կապույտ հեծյալ» շարժման անդամներ Օլեգ Բասովն ու Եվգենի Ավիլովն են, ովքեր «Դեւերին արտաքսողները. Դամբարանի պղծում» անվանումով ակցիա էին կազմակերպել:
Դրա ընթացքում նրանք գոչել էին՝ «վեր կաց եւ գնա»: Ջուրը բերել էին հինգլիտրանոց շշերով եւ փորձել կենդանացնել Լենինին հունվարի 19-ին, երբ ուղղափառները տոնում են Մկրտությունը: Ըստ հավատացյալների՝ այդ օրը ցանկացած ջուր սրբագործվում է:
Grani.ru-ին ակտիվիստներն ասել են, որ իրենց քայլը խորհրդանշում էր խորհրդային անցյալից ազատվելու փորձը:
«Կապույտ հեծյալ» շարժումը առաջին անգամ չէ նման ակցիաներ իրականացնում Մոսկվայում: Ամենաուշագրավներից մեկը կատարվել էր 2014թ. մայիսին, երբ խմբի մասնակիցները զինվորական համազգեստով, անցորդների աչքի առաջ լվացվում էին արյամբ՝ Ուկրաինայի դրոշի վրա ծնկի եկած:
