ՀՀԿ գրասենյակի առջեւ «Հայազն» կուսակցության «Ինքիշխանության երթից» հետո երեք անհայտ անձինք հետապնդել են ազատամարտիկ, «Ազատամարտիկների դաշինք»-ի անդամ Սմբատ Հակոբյանին եւ ծեծի ենթարկել Աբովյան փողոցում։ Այս մասին NEWS.am-ի թղթակցի հետ զրույցում ասաց երթի մասնակից, ակտիվիստ Բելլա Ավետիսյանը՝ ավելացնելով, որ ոստիկանները չեն արձագանքել միջադեպին։ 

Սմբատ Հակոբյանը «Շտապօգնության» մեքենայով տեղափոխվել է «Սուրբ Գրիգոր Լուսավորիչ» բժշկական կենտրոն։

Նշենք, որ Սմբատ Հակոբյանը այսօր՝ սեպտեմբերի 21-ին, «Հայազն» կուսակցության դեպի ՀՀԿ գրասենյակ «Ինքնիշխանության երթից» հակաիշխանական բովանդակությամբ ելույթ էր ունեցել։

Բելլա Ավետիսյանի խոսքով՝ ազատամարտիկին ծեծել են իր ելույթի պատճառով։