Ամերիկյան Լահայնեում ԱՄՆ-ի եւ Գերմանիայի կանանց հավաքականների միջեւ Դաշնության Գավաթի թենիսի խաղից առաջ կատարել են գերմանական օրհներգի հին տարբերակը, որն օգտագործվել է Երրորդ ռեյխի ժամանակներում, իսկ Երկրորդ աշխարհամարտից հետո արգելվել է: Այս մասին գրում է AFP-ն:

Էլիսոն Ռիսկեի եւ Անդրեա Պետկովիչի մենամարտից առաջ օրհներգի արգելված բառեր են հնչել:

ԱՄՆ-ի թենիսի ասոցիացիան (USTA) ներողություն է խնդրել մարզիկներից եւ երկրպագուներից:

«Այդ սխալն այլեւս չի կրկնվի»,- ասված է USTA-ի Twitter-յան գրառման մեջ: