նախընտրելի դարձնելՀոկտեմբեր 3-ի գիշերը Լվովում՝ Վյաչեսլավ Չերնովոլի պողոտայում, այրվել է Խնայբանկի մասնաճյուղը, հայտնում է Finance-ը:
Ինչպես հայտարարել են արտակարգ իրավիճակների պետծառայությունում, հրդեհի մասին հայտնել են ժամը 2:32-ին: Հրդեհը բռնկվել է Լվովի Խնայբանկի թիվ 5 մասնաճյուղում`երկահարկանի շենքի առաջին հարկում:
Հրդեհը ոչնչացրել է տեխնիկան եւ կահույքը՝ 25 քմ տարածքի չափով: Վիրավորներ չկան: Հրդեհի բռնկաման պատճառը պարզվում է:
Հրդեհաշիջման աշխատանքներին ներգրավվել են 19 փրկարարներ եւ 4 միավոր հատուկ տեխնիկա:
Հիշեցնենք, որ 2016 թվականի փետրվարին Լվովի Ֆրանկո փողոցում անհայտ անձինքն այրել էին Խնայբանկի մասնաճյուղը: Այդ ժամանակ փորձ էր արվել նաեւ այրել բանկի մեկ ուրիշ մասնաճյուղ՝ Չերնովոլա պողատայի վրա: Երկու հաստատություններում էլ գցել են հրդեհավտանգ նյութեր:
