Մոլդովիայի պետական անվտանգության ծառայությունը հանրապետության նախագահ Իգոր Դոդոնի ավտոշարասյան մասնակցությամբ ճանապարհատրանսպորտային պատահարի տեսանյութ է հրապարակել, հայտնում է Ռիա Նովոստին։ Տեսանյութում երևում է՝ ինչպես է բեռանտարը դուրս գալիս հանդիպակաց գոտի, որից հետո տրանսպորտային միջոցը բախվել է երկրի առաջնորդի մեքենային՝ դուրս մղելով այն դեպի ճամփեզր։ Ավելի վաղ հայտնի էր դարձել, որ Դոդոնի ավտոշարասյունը վթարի է ենթարկվել Ստրաշենայի մայրուղու վրա՝ Քարալաշում։
 
Պետանվտանգության ծառայության տվյալների համաձայն՝ վթարի հետևանքով երեք մարդ թեթև ու միջին ծանրությունների վնասվածքներ է ստացել։ Ինքը՝ Դոդոնն իրեն լավ է զգում, նա բժշկական օգնության կարիք չի ունեցել, հայտնել է նախագահի խորհրդական Մաքսիմ Լեբեդևը։