նախընտրելի դարձնելԱնհրաժեշտ է բարձրացնել Ավագանու խորհրդի դերը Երեւանի մասին ցանկացած որոշում կայացնելիս: Այս մասին NEWS.am- ի թղթակցի հետ զրույցում ասաց Երեւանի ավագանու ընտրություններում «Օրինաց երկիր» կուսակցության ցուցակը գլխավորող Մհեր Շահգելդյանը:
Նրա խոսքով, այսօր Երեւանում շատ խնդիրներ կան, որոնք անհրաժեշտ է լուծել: Առավել արդիական խնդիրներն են «այսպես կոչված «միկրոավտոբուսային մաֆիան», աղբահանության խնդիրը, քաղաքի անհավասարաչափ զարգացումը եւ մարդու իրավունքների խախտմամբ շենքերի կառուցումը:
Ըստ քաղաքապետի թեկնածուի, ավելի շատ մարդիկ են մահանում ճանապարհատրանսպորտային պատահարների ժամանակ, հետեւաբար այդքան կարեւոր է տրանսպորտային միջոցների անվտանգությունն ապահովելը, ինչը կօգնի պաշտպանել եւ երկրի քաղաքացիների եւ վարորդների իրավունքները՝ որպես առանձին, խոցելի խմբի:
Դրա համար հարկավոր է իրական, օբյեկտիվ մրցույթներ անցկացնել, որպեսզի հին, ոչ անվտանգ միկրոավտոբուսները չգործածվեն:
«Այսօր Հայաստանում «միկրոավտոբուսային մաֆիա» կա, ձեւավորվել է «երթուղիների կիսաօլիգարխների» համակարգ, որը պետք է վերացվի», - նշել է Շահգելդյանը:
Աղբահանության հետ կապված խնդիրն, ըստ նրա, նույնպես շատ լուրջ է. 2014-ին իրականացված հարցումները ցույց են տվել, որ քաղաքի բնակիչների 35 տոկոսը դժգոհ է աղբահանությունից, բայց մինչ օրս էլ իրավիճակը չի փոխվել: Այն այսօր փոխելու համար, ըստ Մհեր Շահգելդյանի, հարկավոր է աղբի վերամշակման գործարաններ կառուցել, կազմակերպել արդար մրցույթներ այն ընկերությունների շրջանում, որոնք պետք է զբաղվեն Երեւանի աղբահանությամբ եւ սովորեցնեն մարդկանց փողոցում աղբ չթափել:
Շահգելդյանը նշեց, որ քաղաքապետ դառնալու իր հնարավորությունները «շատ լուրջ» է գնահատում: Նա դեռ զբաղվում է քարոզարշավով, որը մեկնարկել է այսօր՝ Երեւանի կենտրոնում, հանդիպում է երեւանցիների հետ, որպեսզի ավելի լավ հասկանա նրանց խնդիրները եւ ներկայացնի դրանց լուծման իր տեսակետները:
