նախընտրելի դարձնելԻմ աշխատավարձը բարձրացել է 10 տոկոսով եւ ուղիղ 10 տոկոսով ավելացել է նաեւ իմ պատասխանատվությունը: Հունվարի 30-ին լրագրողների հետ զրույցում կառավարության անդամների երդմնակալության արարողությունից առաջ լրագրողների հետ զրույցում ասաց ֆինանսների նախարար Ատոմ Ջանջուղազյանը: Նախարարի խոսքով՝ նա ինքն իրեն պարգեւավճար չի տվել, դա պարգեւավճար էր, որը գործատուն վճարել է գործատուին:
«Նախարարությունների բոլոր աշխատակիցների աշխատավարձը համեմատական սկզբուքնով է բարձրացել»,- ասաց Ջանջուղազյանը:
Անդրադառնալով աշխատակիցներին վճարված պարգեւավճարների հարցին՝ նախարարը պարզաբանեց, որ այսօրվա դրությամբ, օրենքում կա դրույթ, որի համաձայն աշխատակիցների համար պարգեւավճարներ են նախատեսվում:
«Դրանից ելնելով՝ պարգեւավճարները բաշխվել են որոշակի տրամաբանությամբ: Եթե ինչ-որ մեկն այդ տրամաբանությունում իր բարեկամներին է փնտրում, ապա ստիպված կլինի երկար փնտրել, քանի որ նախարարության բոլոր աշխատակիցները կարող են իմ բարեկամները համարվել, հաշվի առնելով, որ ես շատ վաղուց եմ աշխատում գերատեսչությունում»,- ասաց նա: Ատոմ Ջանջուղազյանը ընդգծեց, որ դեկտեմբերն այդ իմաստով առանձնանում է նրանով, որ այս ամիս երկու աշխատավարձ է վճարվում ՝ նոյեմբերի եւ դեկտեմբերի համար:
«Մյուս հանգամանքը, որով դեկտեմբերը տարբերվում է մյուս բոլոր ամիսներից, այն է, որ օրենքում 13-րդ աշխատավարձի մասին դրույթ կա: Բացի այդ նախատեսվում է, որ աշխատավարձի ֆոնդից տնտեսված միջոցները կարող են օգտագործվել պարգեւավճարների համար»,- հավելեց նախարարը:
Դիտարկմանը, որ հասարակությունը չի ցանկանում տեսնել նույնն, ինչ արել են նախկին իշխանությունները, նախարարն ասաց, որ հարցը ոչ անցյալի, ոչ էլ ներկայի մեջ է, հարցը օրենքի մեջ է:
Հիշեցնենք, որ նախարարությունների աշխատակիցներից բացի, ամբողջ ամսական աշխատավարձի կամ կեսի չափով պարգեւավճարներ են ստացել մի շարք մարզպետներ եւ նրանց աշխատակիցները: Արարատի մարզպետ Գագիկ Սարգսյանը անգամ մի փոքր ավելի շատ է ինքն իրեն պարգեւավճար սահմանել: Հայաստանում մարզպետների աշխատավարձը 660 հազար դրամ է, իսկ առանց հարկերի՝ մոտ 480 հազար (մոտ 1000 դոլար): Բացի այդ Երեւանի քաղաքապետարանի աշխատակիցների Նոր Տարվա պարգեւավճարի ընդհանուր գումարը կազմել է 474 մլն դրամ (մոտ մեկ միլիոն դոլար):
